स्वप्नशब्द....

  

 
फार दिवसांपासुन उराशी जपलेली काही स्वप्ने
मी आज तुझ्याकडे घेउन आलेय..

माझ्या स्वप्नांचे अर्थ आजकाल मला उलगडत नाहीत...
काही स्वप्ने डोळ्यांतुन ह्रदयात उतरतात.. 
हळूच, मलाही चाहुल न लागता  
तुझ्यासारखीच ती, तुझीच ती;
जसा तू माझ्या मनात उतरतोस
मला ही कळु न देता.. 

तुझ्या अस्तित्त्वाचं मला लागलेलं हे वेड  सुटता सुटत नाही..
आणि ते कधी सुटु ही नये..
तुझं अस्तित्त्व, तुझी स्वप्ने,  तुझी मी... 

तुझ्यासारखं शब्दानी सजवणं मला जमत नाही..
तरीही शब्दांचा हा मोह मला आवरत नाही..

चल आता मला तुझ्यात सामवून घे...
आणि या शब्दांना समाधी दे..
माझ्या स्वप्नांचे अर्थ,
तू स्वप्नातच येवून दे...