काल लोकलमध्ये तुझी ती
नकटी मैत्रीण भेटली,
आता हिला कटवायचं कसं
या विचारात असतानाच,
मेली माझ्या शेजारीच खेटली!
एक नंबरची नटवी!
नेहमी चावते रे सटवी!
उगाच इकडचे तिकडचे विषय झाल्यावर
नेहमीप्रमाणे तुझ्यावर आली!
कसा आहे गं तो? दिसला नाही बरेच दिवस!
फोन पण नाही त्याचा??
हिला काय करायचं असतं रे तुझ्याशी?
उगाच खेळत राहते मेली माझ्या जीवाशी!
साली, या ना त्या कारणाने
सारखं तुझं नाव घेत राहते.
मग तू असा, तू तसा,
सारखी मला जळवत राहते!
कधी कधी वाटतं आयला
हिला एकदा कोपच्यात घ्यावे
चांगले दोन तीन खवडे दयावे!
हसु नको साल्या, माहित आहे मला
आता तू मला समजावशील....
मी तुझाच आहे गं राणी,
बोलुन मला कवटाळशील!
काय तुझ्या त्या गवळणी?
आणि तू काय त्यांचा कान्हा?
दोन खवडे तुलाही देईन साल्या,
जर गेलास त्या सटवीच्या मागे पुन्हा!!
